Lajme nga Dropulli

Bashkia Dropull u përfaqësua nga Kryetari i Bashkisë z.Dhimitraq Toli, Nënkryetarët, Administratorët, përfaqësues nga Drejtoria e Pyjeve dhe Kullotave, Policia Bashkiake, si dhe Kryetarë fshatrash.

Përfaqësues nga Drejtoria e Policisë Gjirokastër ishin z. Elvis Peza, Shef i Komisariatit, në Drejtorinë e Policisë së Qarkut Gjirokastër, z. Gentjan Shehu, Shef i Krimeve në Drejtorinë e Policisë së Qarkut Gjirokastër, si dhe z. Dario Biçaku Shef i Postës së Policisë Dropull.

Objekt i takimeve ishte marrja e masave paraprake për të luftuar kultivimin e bimëve narkotike në zonën nën juridiksion e Bashkisë Dropull.

Në fshatrat Jorgucat dhe Grapsh është bërë pastrimi i plehrave në ambientet publike.

Gjithashtu në fshatra Hllomo, Krioner, Pepel, Zervat, Peshkëpi e Sipërme dhe e Poshtme është bërë mirëmbajtja e rrugëve, si dhe pastrimi i kanaleve.

Në fshatrat Terihat dhe Radat u riparuan dy mure të rrëzuara.

Në fshatin Terihat, Njësi Administrative Dropull i Poshtëm, u ndërruan të gjitha llambat dhe u instaluan trupa të reja ndriçimi, ndërsa u vendosën edhe prozhektorë në disa pjesë të rrugës kryesore.

Po ashtu në fshatin Vrisera, Njësi Administrative Dropull i Sipërm, u vendosën pajisje për ndriçimin rrugor.

Në fshatrat Llongo, Kakavi, Glinë dhe Vanistër u pastruan rrugët nga mbetjet inerte.

Në fshatin Vodhinë, Njësia Administrative Dropull i Siperm, u riparua muri që rrethon varrezat e fshatit.

Në fshatrat Goranxi,Vanistër, Haskovë,Sofratikë, Terihat dhe Dhuvjan janë pastruar rrugët nga mbetjet urbane dhe janë krasitur pemët në sheshet e këtyre fshatrave.