Lajme | Faqe 54 | Miresevini ne faqen zyrtare te Bashkise Dropull

Kryetari i Bashkisë Dropull, zoti Dhimitraq Toli, priti dje në zyrën e tij Zëvendës Ministrin e Mbrojtjes së Qytetarit të Greqisë, z. Eleftherios Ikonomu, si dhe Zëvendës Ministrin e Brendshëm të vendit tonë, z. Andi Mahilaj. Gjithashtu, në këtë takim ishin të pranishëm Kryetari i Bashkisë së Pogonit në rajonin e Janinës, z. Kostandinos Kapsalis, si dhe Prefekti i Qarkut Gjirokastër, z. Odise Kote.

Zoti Toli, kërkoi nga Zëvendës Ministrat e Rendit të të dy vendeve tona shërbim sa më kulturor dhe dinjitoz të qytetarëve në Kakavie, sidomos në ditët e Pashkëve, funksionimin e Pikës Kufitare të Sopikut, në mënyrë që t’u shërbejë banorëve të Pogonit tonë, si dhe të ndihmohen me bazë materiale, sa Stacioni i Policisë në Jorgucat, aq edhe Policia Bashkiake.

Gjithashtu, z. Toli, mori pjesë në takimet dypalëshe që u zhvilluan në Dhelvinaq edhe në Kakavie, me qëllim materializimin midis dy ministrave përkatës të Greqisë dhe të Shqipërisë , zotërinjve Takis Theodhorikakos dhe Bledi Çuçi, para pak ditësh në Athinë, për ngritjen e Qendrës së përbashkët operacionale në pikën Kufitare të Kakavies.

Zoti Toli, u dorëzoi dhurata simbolike miqve të ftuar në Bashkinë e Dropullit.

11 Maj, 2022 in Lajme nga Dropulli

Punimet nga Shërbimet Publike të Bashkisë Dropull dhe Pogon:

Në fshatrat Vrisera, Jorgucat, Sotirë, Dogana e Kakavisë, Krioner, Dervician, Frashtan, Shpella e Skotinisë është kryer pastrimi dhe mirëmbajtja e rrugëve dhe shesheve publike.

Në fshatin Vodhinë , Njësia Administrative Dropull i Sipërm, është vendosur linja e re elektrike për ndriçimin publik drejt Kishës së fshatit dhe në fshatin Vrisera është bërë rikonstruksionini i çatisë së shkollës.

Në Teatrin Antik të Sofratikës është bërë e mundur mirëmbajtja e rrugës.

11 Maj, 2022 in Lajme nga Dropulli

Me pjesêmarrjen e Kryetarit të Bashkisë, z. Dhimitraq Toli, u zhvillua sot në Dropull mbledhja e rradhës të Këshillit të Basenit Ujor Vjosë, i cili drejtohet nga Prefekti i Vlorës ,z. Flamur Mamaj,

Ky Këshill shqyrtoi propozimet e Agjencisë së Menaxhimit të Burimeve Ujore,ku ishte prezent edhe Prefekti i Gjirokastrës, z. Odise Kote.

KBU Vjosë i zhvillon mbledhjet në bashki të ndryshme,të cilat janë nën juridiksionin e qarqeve Vlorë dhe Gjirokastër.

11 Maj, 2022 in Lajme nga Dropulli

Kryetari i Bashkisë Dropull, z. Dhimitraq Toli, priti dje në zyrën e tij Ministren e Arsimit dhe Sportit të Shqipërisë, zonjën Evis Kushi. Gjithashtu, në takim ishte e pranishme edhe Zëvendës Ministre e Punëve të Jashtme ,zonja Artemisa Malo.

Zoti Toli, i kërkoi zonjës Ministre ndërtimin e Palestrës në Shkollën e Bashkuar Dervician, si dhe një fond për rikonstruksionin e Shkollës së Bashkuar Bularat.

Me këtë rast, Kryetari i Bashkisë Dropull, z. Dh. Toli, i bëri një dhuratë simbolike Ministres së Arsimit,zonjës E. Kushi.

Po dje, para vizitës së saj në Godinën e Bashkisë, zonja Ministre bëri një vizitë në Shkollën e Bashkuar Dervician, ku përveç Kryetarit të Bashkisë Dropull, z. Dhimitraq Toli, e pritën Zëvendës Ministre e Jashtme, zonja Artemis Malo,Prefekti i Qarkut Gjirokastër, z. Odise Kote, Kryetarja e Këshillit të Qarkut, zonja Lindita Rova, Kryetari i Bashkisë Gjirokastër, z. Flamur Golemi, si dhe Drejtori i Arsimit për Bashkitë Dropull- Finiq, z. Ziso Lluci.