Lajme nga Dropulli

Kryetari i Bashkisë zoti Dhimitraq Toli, priti sot në Pogon Zëvendës Ministrin e Jashtëm të Greqisë, për çështjet e diplomacisë ekonomike, zotin Kostas Frangojanis, të cilin e shoqëronin Ambasadorja e Greqisë në vendin tonë, zonja Sofia Filipidhu, Konsulli i Pergjithshëm i Greqisë në Gjirokastër, zoti Dhimitrios Saharidhis, si dhe Kryetari i Bashkisë së Pogonit ( Rajoni i Janinës), zoti Kostantinos Kapsalis.

Zëvendës Ministri grek hyri në Pogon nëpërmjet Pikës Kufitare të Sopikut,ku pati mundësinë të shikoj nga afër tre fshatra të Pogonit.( Sopik, Skore dhe Poliçan)
Njëkohësisht, evidentoi nga afër gjendjen jo të mirë të rrugës, pasi u largua nga Poliçani drejt Gjirokastrës nëpërmjet aksit rrugor Poliçan-Suhe-Libohovë..
Si përfaqësues i shtetit ame, zoti Kostas Frangojanis, garantoi Kryetarin e Bashkisë Dropull, si dhe banorët e zonës me të cilët u takua, se Qeveria Greke do të jetë gjithmonë në mbështetje të tyre. Kurse u zotua se Ministria e Jashtme e Greqisë do të fillojë financimin e investimeve për përmirësimin e infrastrukturës, ku përfshihet edhe rruga e Pogonit.
Takimet e zotit Zëvendës Ministër do të vijojnë me vizita neë njësi tregtare dhe prodhuese të Dropullit dhe do të përfundojë me ceremoninë e Çeljes së Ekspozitës Tregtare pasditen e ditës së enjte në qytetin e gurtë,pas bashkëpunimit të Dhomave të Tregtisë së Gjirokastrës dhe Janinës.
11 Maj, 2022 in Lajme nga Dropulli

Bashkinë e Dropullit dhe të Pogonit e vizitoi sot Kryetari i Bashkisë Agia Z. Andonis Gudaras së bashku me bashkëpunëtorët e tij. Kryetari i Bashkisë Dropull e Pogon Z. Dhimitraq Toli i uroi mirseardhjen për herë të dytë, pas vizitës realizuar disa muaj më parë, Z. Gudaras.

Përfaqësuesit e Bashkisë Agias dhuruan simbolikisht Bashkisë Dropull filiza gështenje. Të dy kryebashkiakët vizituan fshatin Koshovicë të Dropullit të Sipërm ku shartuan disa pemë geshtenje, si dhe fshatin Krioner ku mbollën filiza të reja gështenje. Kjo provë u bë në këtë zonë që në të ardhmen të shikohen rezultatet dhe frytet e prodhimit të tyre. Binjëkëzimi i Bashkisë Dropull e Pogon me Bashkinë Agias dhe më tej edhe me një Bashki në shtetin e Qipros do të jenë hapat vijues të bashkëpunimit. Kryebashkiaku i Bashkisë Dropull dhe Pogon falenderon publikisht kryetarin e Bashkisë Agias dhe bashkëpunëtoret e tij.

 

11 Maj, 2022 in Lajme nga Dropulli

Kryetari i Bashkisë Dropull, zoti Dhimitraq Toli, priti dje në zyrën e tij Zëvendës Ministrin e Mbrojtjes së Qytetarit të Greqisë, z. Eleftherios Ikonomu, si dhe Zëvendës Ministrin e Brendshëm të vendit tonë, z. Andi Mahilaj. Gjithashtu, në këtë takim ishin të pranishëm Kryetari i Bashkisë së Pogonit në rajonin e Janinës, z. Kostandinos Kapsalis, si dhe Prefekti i Qarkut Gjirokastër, z. Odise Kote.

Zoti Toli, kërkoi nga Zëvendës Ministrat e Rendit të të dy vendeve tona shërbim sa më kulturor dhe dinjitoz të qytetarëve në Kakavie, sidomos në ditët e Pashkëve, funksionimin e Pikës Kufitare të Sopikut, në mënyrë që t’u shërbejë banorëve të Pogonit tonë, si dhe të ndihmohen me bazë materiale, sa Stacioni i Policisë në Jorgucat, aq edhe Policia Bashkiake.
Gjithashtu, z. Toli, mori pjesë në takimet dypalëshe që u zhvilluan në Dhelvinaq edhe në Kakavie, me qëllim materializimin midis dy ministrave përkatës të Greqisë dhe të Shqipërisë , zotërinjve Takis Theodhorikakos dhe Bledi Çuçi, para pak ditësh në Athinë, për ngritjen e Qendrës së përbashkët operacionale në pikën Kufitare të Kakavies.
Zoti Toli, u dorëzoi dhurata simbolike miqve të ftuar në Bashkinë e Dropullit.
11 Maj, 2022 in Lajme nga Dropulli

Punimet nga Shërbimet Publike të Bashkisë Dropull dhe Pogon:

Në fshatrat Vrisera, Jorgucat, Sotirë, Dogana e Kakavisë, Krioner, Dervician, Frashtan, Shpella e Skotinisë është kryer pastrimi dhe mirëmbajtja e rrugëve dhe shesheve publike.
Në fshatin Vodhinë , Njësia Administrative Dropull i Sipërm, është vendosur linja e re elektrike për ndriçimin publik drejt Kishës së fshatit dhe në fshatin Vrisera është bërë rikonstruksionini i çatisë së shkollës.
Në Teatrin Antik të Sofratikës është bërë e mundur mirëmbajtja e rrugës.
   
11 Maj, 2022 in Lajme nga Dropulli
GreekAlbaniaUSA