Kryetari i Bashkisë Dropull, z. Dhimitraq Toli, priti sot në Zyrën e tij Zëvendës Ministrin e Arsimit të Greqisë, z. Angjellos Sirigos, të cilin e shoqëronin Ambasadorja e Greqisë në vendin tonë, zonja Sofia Filipidhu, si dhe Konsulli i Përgjithshëm i Greqisë në Gjirokastër, z. Dhimitrios Saharidhis.

Kryebashkiaku i Dropullit ,falenderoi zotin Zëvendës Ministër për ndihmën e dhënë nga Qeveria Greke tek të rinjtë e Dropullit që studiojnë në Greqi dhe kërkoi që kjo mbështetje të vazhdojë, kryesisht tek studentët që vijnë nga familjet në nevojë.

Gjithashtu, zoti Toli kërkoi nga Zëvendës Ministri Grek që të kontribojë për rikonstruksionin e mëtejshëm të Godinës ( ish shkolla në Dervician), e cila është kthyer në një Qendër Komunitare. Konkretisht, kërkohet të krijohet dhe të pasurohet me mjetet e nevojshme ,një ambient i cili do të jetë Biblioteka e hapur dhe elektronike, si për nxënësit e shkollave, ashtu edhe për moshat e rritura.

Nga ana e tij, Zëvendës Ministri i Greqisë ,z. Angjellos Sirigos, siguroi Kryetarin e Bashkisë Dropull, z. Dhimitraq Toli, se Qeveria Greke do të vazhdojë të jetë në krah të Minoritetit Etnik Grek.