Iniciativa: BeMed – “Eco-Schools and Sustainable Tourism: A Plastic-Free Future for Dropull”

Vendndodhja: Shkolla e bashkuar Bularat

Data: 24 mars 2026

Institucioni Zbatues: Bashkia Dropull

Në kuadër të zbatimit të iniciativës BeMed “Eco-Schools and Sustainable Tourism: A Plastic-Free Future for Dropull”, Bashkia Dropull organizoi më 24 mars 2026 një aktivitet edukativ në Shkollën e bashkuar Bularat. Ky aktivitet është pjesë e komponentit të edukimit mjedisor në shkolla (SG1), me fokus rritjen e ndërgjegjësimit mbi ndotjen plastike dhe promovimin e praktikave të qëndrueshme.

Qëllimi kryesor i aktivitetit ishte ndërgjegjësimi i nxënësve mbi ndikimin negativ të plastikës në mjedis dhe nxitja e sjelljeve të përgjegjshme në lidhje me menaxhimin e mbetjeve.

Në mënyrë specifike, aktiviteti synoi:

rritjen e njohurive mbi ndotjen plastike dhe pasojat e saj;

promovimin e ndarjes së mbetjeve dhe riciklimit;

nxitjen e praktikave të përditshme miqësore me mjedisin;

forcimin e lidhjes midis edukimit mjedisor dhe turizmit të qëndrueshëm.

Aktiviteti u zhvillua përmes një qasjeje interaktive dhe pjesëmarrëse, duke kombinuar prezantimin teorik me diskutime dhe aktivitete praktike.

Sesioni u udhëhoq nga një ekspert i mjedisit, i cili prezantoi:

ndikimet e ndotjes plastike në mjedis dhe shëndet;

rëndësinë e riciklimit dhe ndarjes së mbetjeve;

mënyra konkrete për reduktimin e përdorimit të plastikës në jetën e përditshme.

Nxënësit u përfshinë aktivisht në diskutime dhe aktivitete kreative, të cilat ndihmuan në përvetësimin më të mirë të informacionit.

Në përfundim të aktivitetit:

u shpërndanë certifikata pjesëmarrjeje;

u shpërndanë bluza të personalizuara me logon e projektit.

Gjatë aktivitetit u përdorën materiale vizuale dhe promovuese të projektit, në përputhje me kërkesat e vizibilitetit të BeMed.

Në aktivitet morën pjesë:

nxënës të Shkollës së bashkuar Bularat;

stafi pedagogjik;

përfaqësues të Bashkisë Dropull;

eksperti i mjedisit dhe ekipi i projektit.