Bashkia e Dropullit, me mbështetjen e zyrës së Njësisë së Integrimit Evropian, është përzgjedhur si një nga 12 iniciativat të cilat fituan mbështetje nga Beyond Plastic Med (BeMed) për vitin 2025. Përmes projektit të saj, ‘Eko-Shkollat dhe Turizmi i Qëndrueshëm: Një e Ardhme pa Plastikë për Dropullin’, Bashkia synon të zvogëlojë mbetjet plastike duke promovuar praktika të qëndrueshme në tre fusha kryesore:
1. Shkollat lokale,
2. Pikat turistike dhe
3. Komuniteti i gjerë.
Projekti synon të ulë numrin e mbetjeve plastike në shkollatvendore, pikat turistike dhe komunitetin e gjerë. Duke prezantuar një kurrikulë miqësore për mjedisin, duke zhvilluar workshop-e dhe duke siguruar kosha për ndarjen e mbetjeve, iniciativa do të rrisë ndërgjegjësimin dhe do të inkurajojë nxënësit, mësuesit dhe komunitetin të zvogëlojnë konsumin e materialeve plastike.
Në sektorin e turizmit, Bashkia e Dropullit punon me bizneset lokale për të eliminuar materialet plastike njëpërdorimshe në vendet kryesore kulturore, duke përfshirë Qafën e Gjirokastrës dhe kishat bizantine 
. Përfshirja e komunitetit është thelbësore, me fushata pastrimi 
, shtrirje në mediat sociale 
dhe nisma për mbledhjen e mbetjeve për të angazhuar banorët dhe për të rritur ndërgjegjësimin për reduktimin e mbetjeve plastike.
Kjo iniciativë do të ndihmojë në përshtatjen e Bashkise se Dropullit me standardet kombëtare dhe të BE-së për mjedisin dhe do të shërbejë si model për bashkitë e tjera rurale 
.
E themeluar në qershor të 2015-ës nga Princi Albert II i Monakos, BeMed adreson një nga sfidat më alarmante mjedisore, ndotjen plastike në rajonin e Mesdheut.”
Për më shumë informacion mund të ndiqni: https://www.facebook.
